مبارك فاز يا جماعة علقوا الانوار ودقوا الطبول

حقق الرئيس المصري حسني مبارك فوزا ساحقا برئاسة الحزب الوطني الحاكم حين فاز بـ 99.82% من اصوات اعضاء الحزب

---------------------------------------------------------

ناس بتهزر بتستخف دمها - بيقولو ان مبارك فاز ومش فاز زبس ده فاز فوز ساحق برئاسة الحزب هو اصلا كان فيه حد تاني قدام مبارك وهو اصلا فيه حد يستجري ينزل قدامه ده مبارك ياعم ده الديكتاتاور الكبير ، ده لما نزل اتنين قصاده في الانتخابات الرئاسية راحوا في داهية واحد في السجن مظلوم يا عيني وربنا هينتقم من اللي دخله السجن والتاني محدش بيسمع عنه حاجة وخلقوا مشكلة في الحزب بتاعه يبقي عمر ما حد هيفكر ينزل قصاده تاني في رئاسة الحزب ، ده ممكن بعد كده ينزل في كل الانتخابات علشان محدش ينزل قدامه ، يعني ممكن ينزل في دايرة دمنهور علشان يخوف اي حد ينزل قدامة وبعد كده ينزل في دايرة المنتزة وبعد ينزل انتخابات نقيب الصحفيين علشان يخافوا ومحدش ينزل قصاده وينجح باكتساح ويقولوا ويفرحوا ويهليلو شوية المطبلتيه اللي وراه ، ايه اللي بيحصل ده في البلد ، مش كفاية عليه كده بجد كفاية الراجل داخل علي 80 سنة بقوله استريح في بيتك شوية وسيب البلد للجيل الجديد سواء كان ابنك او حد تاني الدنيا بتحب التغيير تحب التجديد والناس بتدعيلك بطول الصحة والعافية بس سيب البلد للجيل الجديد وسيب الحزب وسيب الدنيا كلها وعيشلك يومين زي بوش الاب سايب كل حاجة لبوش الابن بس بوش الابن مورث حاجة عن ابوه ده دخل الانتخابات ونجح بنزاهة اعمل زيه وسيب الدنيا وعيشلك يومين وادعي ربنا انه يشيل الهم من علي الناس كلهم .

مع تحياتي مواطن مصري بيحب البلد ديه وبيقولك سيبها وارحل وكفاية عليك وعلينا كده